Shillong, Risaw 18
Ka Meghalaya Body Building and Fitness Association (MBBFA) ka la jied ïa saw ngut ki ‘rang bad ‘thei heh ksah ki ban leit ïashim bynta ha ka Mr. and Ms. East India Zonal Bodybuilding and Model Championship ka ban long ha Ranchi, Jharkhand ha ka 13 bad 14 tarik mynta u bnai.
Kine ki kynthup ïa ka Sawakani Lakiang kaba la jop ïa ka Ms Bikini Model, u Zebedee W. Roy Jyrwa uba la jop ïa ka Men’s Bodybuilding jong ka jingkhia kaba 55 kg, u Richard Wah-lang uba la wan ba-ar ha ka Bermuda Beach model bad balai ha ka men’s Bodybuilding jong ka jingkhia kaba 65kg lem bad u Wanshai Kharshandi uba la wan ba-ar ha ka Men’s Bodybuilding jong ka jingkhia kaba 60kg.
Kane ka synjuk ïalehkai jong ka MBBFA ka dei kaba la ïoh jingithuh na ka WFF India.
