Washington, Naiwieng:
U President ka United States- u Joe Biden u la kyntu ia u Myntri Rangbahduh ka Israel- u Benjamin Netanyahu ban sangeh shwa shipor ia ka thma kumba lai sngi eiei na ka bynta ban ioh pynpoi ia ki lad jingiarap sha Gaza, khnang ba ki paid nongshong shnong ka Gaza kin ioh khyndiat ki jingiarap nalor ki jingeh ba ki la mad ha kane ka por.
Nalor nangta u Biden u la ong ruh ba lada ka Israel kan sangeh shuwa shipor ia ka thma, kane ka lah ban iarap ruh ha ka jingioh pyllait noh ia kito kiba la shah rahbor ha ka Hamas bad kiba dang don ha kti jong kitei lehnoh haduh kine ki sngi.
Ka White House ha ka Sngi Nyngkong ka la ong ba u Biden bad u Netanyahu ki dang iakren halor kane ka bynta bad ban ioh pynpoi ia kitei ki lad jingiarap sha ki nongshong shnong ka Gaza.
