Seoul, Rymphang:
Katkum ki khubor la ong ba kawei ka liengsuiñ thma F-16 jong ka United States, ha ka Sngi Balang ka la leit hap bakla sha ki bynta ka West Sea jong ka South Korea ha ka por mynstep bad ia u nongñiah lane u ‘Pilot’ jong katei ka liengsuiñ la ioh ban pyllait im noh. La ong ba u nongñiah jong katei ka liengsuiñ u la ioh ban kynthih noh ha ryngkat ka ‘parachute’ tang mar ia sngewthuh ba don jingthut jong katei ka liengsuiñ bad kumta u la ioh ban kynthih noh bad poi sha kawei pat ka jaka hashwa ba katei ka liengsuiñ kan leit hap ha katei ka thaiñ. Kane ka la jia hapdeng ka jingiatrei lang jong ka US bad ka South Korea ban tehlakam ia ki kam pynher Nuclear jong ka North Korea.
