Geneva, ïaïong:
Katkum ki khubor, la iathuh ba 3 ngut ki la khlad noh bad 3 ngut kiwei pat ki la mynsaw hadien ba kawei ka ‘Helicopter’ ka la leit hap bakla sha ki lum Petit Combin ha ka Sngi Ba-ar hapoh Switzerland.
Katei ka helicopter B3 ka la leit hap bakla ha ka jaka ba ka dei ban leit hiar hi katba ka dang pyrshang ban hiar ha katei ka sngi.
Kiba don ha katei ka liengsuiñ ki kynthup ia u nongñiah, u nongialam kiew lum bad 4 ngut kiwei pat kiba dei tang ki nongshong lane ki ‘riew shang kai pyrthei. Hynrei ki pulit kim pat lah ban pynithuh lut ia kitei kiba shong ha katei ka helicopter baroh bad ia ki jingtip kiba bniah yn sa lah ban ioh ynda la dep ban peit thuh bha.
La ong ba na ka liang ki bor pyniaid, ki la phah mar-mar ia 7 tylli ki helicopter ban leit iarap sha katei ka jaka tang mar ia ioh jingtip halor ka jinghap bakla jong katei ka helicopter ha katei ka sngi.
Ia 2 ngut kiba mynsaw, la ioh ban ai jingsumar noh tang mar ia dep kyntiew hapoh ka helicopter bad katba dang rah ia ki sha jaka sumar bad kumjuh ruh ia uwei pat la pynkit bad sumar beit ynda la poi ha ka jaka sumar.
Katba 3 ngut pat la shem ba kim don mynsiem shuh naduh ka por ba la ioh sei ia ka met na katei jaka ba jia.
