Washington, Iaïong:
Katkum ki khubor, la ong ba ki bor pahara jong ka US ki la ioh siat pynbthei ia 4 tylli ki drone kiba leit poi sha ki bynta duriaw jong ka Yemen ha ka miet Sngi Balang. Kine ki drone ki dei kiba la pynher ban thombor da ki lehnoh Houthi napoh Yemen.
La ong ba kitei ki drone ki dei kiba ka Houthi ka thmu ban phah leit thombor sha MV Yorktown.
Namar la ong ruh ba kitei ki lehnoh Houthi kiba kam trai bad synshar ia ki bynta ka duriaw Red Sea, ki la ju thombor na ka por- sha ka por sha kat ki jhad kiba leit poi sha katei ka bynta jong ka duriaw ba katei ka kynhun lehnoh ka kam trai. Kane ka kam thombor jong kitei ki lehnoh Houthi ka la sdang naduh u Naiwieng jong u snem ba la leit namar ka jingai jingkyrshan jongki ia ki nong Palestine bad khamtam ia ka kynhun lehnoh Hamas kaba synshar hi ia ka nongbah Gaza jong ka Palestine.
Kumta, la ong ba ki kynhun lehnoh bapher ki la ai jingkyrshan ia ka Hamas naduh ba ka Israel ka leit ban kput da kaba leit hiar thma sha Gaza namar ka jingleit thombor jong ka Hamas ia ka Israel ha u Risaw jong u snem ba la leit.
