Jowai, Ïaïong 25
U General Secretary ka West Jaiñtia District Sports Association (WJDSA), Bah Lammat O Laloo, u la pyntip ba ka synjuk ka la rai ban pynjlan ïa ka jingïathied rangïalehkai jong ka wat ba nyngkong (1st Window Tranfer) na ka bynta ka aïom ïalehkai 2024 ha baroh ki kyrdan ïalehkai.
Ha kaba ïadei bad ka kyrdan ïalehkai jong ka 4th Adelbert Laloo Memorial Trophy na ka bynta ka 3rd Division Football League Tournament 2024, la kyntu ïa ki klob ban siew noh ïa ka bai rung (entry fee) shwa ka 10 tarik u Jymmang.
Ka bai rung kan long T.2000 bad ka bai pynrung kyrteng ïa uwei u rangïalehkai kan long T.30 kaba ym palat ïa 25 ngut ha kawei-pa-kawei ka klob.
