Shillong, Ïaïong 26
Ka STCC Pongtung Lioness Cluster ka la khur ïa ka jingjop ha ka lympung ïalehkai U-17 Girls Inter Cluster Cricket Tournament 2024 ba la pynïaid da ka East Khasi Hills Cricket Association hadien ba pynliem ïa ka Mawsynram Pink Panthers da 29 run.
Ha kane ka jingïakhun kaba la long ha madan Shortimai Syiem Stadium kaba ha Smit, ka Mawsynram Pink Pathers kaba la jop ïa kynting pisa, ka la ailad ban tied nyngkong ïa ka STCC Pongtung Lioness ha kaba ka la kamai 174 run bad shah pynhap 4 wiket ha ki 20 over. Ka Dawanshisha Warlarpih ka la ïoh ban tied 89 run na ki 74 bol. Katba ka Wanriphylla Marbaniang ka la shim shi wiket na ka bynta ka Mawsynram Pink Pathers.
Haba wan shimti ïa ka pali kaba ar, ka Mawsynram Pink Panther ka la kamai tang 145 run bad shah pynhap 10 wiket ha ki 16.2 over. Ka Eliza Lyngdoh ka la tied 42 run na ki 49 bol. Katba ka Dawanshisha Warlarpih ka la shim 2 wiket na ka bynta ka STCC Pongtung Lioness bad kaba la ïohpdiang ruh ïa ka khusnam Player of the Match.
