Abuja, ïaïong:
Ki bor pyniaid ka Nigeria ha ka Sngi Palei ki la iathuh ba haduh 118 ngut ki koidi ki la lait phet na kawei ka patok kaba don ha Suleja hajan ka nongbah jong ka Nijer Nigeria hadien ba katei ka patok ka la julor na ka jingther u ‘lap-bah ha ka miet Sngi Balang.
La ong ba u slap ba jur uba la ther bun kynta ia katei ka thaiñ kaba don marjan bad ka nongbah ba heh duh jong ka Nigeria, ha kaba ki kynroh jong katei ka patok ki la twa bad julor bad kaba la pynlong ia kitei ki koidi ba kin ioh lad ban mih bad phet lut noh na katei ka jaka ba la set ia ki.
Kumta, ki pulit katei ka nongbah ki dang ialeh ban thwet biang ia kitei ki koidi kiba la lait phet baroh bad la ong ba ki dang ioh kem ruh tang 10 ngut napdeng jong kitei kiba la ioh kem baroh.
