Shillong, Ïaïong 29
Ka United XI ka la pynliem noh ïa ka NFU da 4 wiket na ka bynta ban long ka nongjop ha ka lympung ïalehkai Super Division Cricket League 2024 ha la Lah Sngi U Blei ha kane ka nongbah.
Ka NFU ha kane ka jingïakhun ka la kam trai ban tied nyngkong bad ka la ïoh 259 run na bynta ban duh 10 wiket ha ki 45 over. U Kevin u la ïoh ban khyrwit ïa ka shiteng spah da kaba ïoh 80 run na ki 84 bol bad u Bharat Gurung u la ïoh 42 run na ki 51 bol. Katba u Navin Kumar Rai u la shim 7 wiket bad 2 wiket da u Cham Sangma na ka bynta ka United XI.
Haba wan shimti ïa ka pali kaba ar, ka United XI ka la lah ban kynjoh sha ka thong da kaba ïoh 263 run bad shah pynhap 6 wiket ha ki 43.5 over. U Indranil u la khyrwit ïa ka shiteng spah da kaba ïoh 70 run na ki 98 bol bad u Jason J. Lamare u la ïoh 44 run na ki 30 bol. Katba u Bharat Gurung u la khur 2 wiket bad ia ka shi wiket la khur da u Asif Khan na ka bynta ka NFU. Ïa ka nam Player of the Match la khur da u Navin Kumar Rai.
