Washington, ïaïong:
Ka United States ha kine ki sngi ka la sakhi ia shibun tylli ki jingiakhih paidbah kiba la mih ha bun tylli ki jaka pule bad ki skulbah bapher-bapher kiba don kylleng sawdong jong ka ri namar ka jingleit ai jingkyrshan jong ka US ia ka Israel hapdeng ka jingleit hiar thma jong ka sha Gaza.
Kumta la ong ba ki la mih ki jingiakhih paidbah ha kylleng ki skulbah kiba don ha ka ri United States ha kaba da ki spah ngut ki la shah kem ha kane ka taiew ba la dep namar ka jing-iadon bynta ha kitei ki jingiakhih paidbah kiba long pyrshah ia ka aiñ jong ka US bad kiba la pynkheiñ ruh ia ki kyndon jong ka jingleit rung be-aiñ shapoh jong kitei ki skulbah kiba kyrpang.
Hynrei la ong ba katba ki bor pyniaid ka US ki dang ialeh ban tehlakam ia ka jingiakhih paidbah hapoh ka ri, ka jingiakhih na University of California jong ka nongbah Los Angeles ka la nang pur shuh shuh sha kiwei de ki bynta jong ka US.
