San Francisco, Jymmang:
Katkum ka jingpyntip ba la phah sha ka sorkar, la ong ba ka kompeni Tesla kaba pawnam tam, ha kane ka por ka la rai ban pynsangeh treikam noh ia kumba 6000 tam ki nongtrei ha nongbah California.
Katei ka kompeni kaba ju pynmih ia ki kali bapher bapher, naduh mynshem bnai ka la dep pyntip ba kan sa pynsangeh noh ia kumba 6,000 tam ki nongtrei ha nongbah California bad kumjuh ha Texas khlem da pynshai ia ki daw bad jingthmu jong katei ka kompeni. Hynrei ha kane ka por pat, ki heh jong katei ka kompeni ki la pynpaw ba ka daw ba katei ka kompeni ka hap ban pynsangeh noh ia bun ngut ki nongtrei ka long namar ba kam shym lah shuh ban siew tulop ia baroh namar ka la pynkhia ia ka kompeni khamtam ha kum kine ki sngi ba kiei-kiei baroh ki la kiew dor lut bad ka ioh-ka kot jong ka kompeni ruh ka la kham hiar namar kan hap ban pynlut ha kiba bun ki bynta.
