Slovak, Jymmang:
Ki bor pyniaid ka Slovak ha ka Sngi Palei ki la pyntip ba u Myntri Rangbahduh ka Slovak u Robert Fico u la lait na ka jingma kaba khraw kaba ap ia ka jingim jong u hadien ba la ioh jingsumar na ka jingshah siat kuli katba u dang mih na ka jaka treikam ynda la wai ka jingialang bad ki Myntri ka sorkar jong u ha ka Sngi Balang.
Utei u nongialam ka Slovak, u la don 59 snem ka rta bad ha katei ka jingjia, u la shah siat haduh 5 kuli. Kane ka la pynsyier ia ki bahaiing bahasem jong u namar kim lah ban pdiang ba kin shu duh noh ia u khlem da poi pyrkhat.
Hynrei hadien ynda ba la poi ha jaka sumar, la ong ba ki doktor ki la pyntip ba ka jingim jong u ka la lait na ka jingma bad ki la lah ban sumar bad ban pyllait ia u na kitei ki jingma kiba khraw.
