Georgia, Jymmang:
Ki bor pyniaid ka Gerogia ha kane ka por ki la pynbna halor ka jingïap jong 3 ngut ki khynnah pule ka India kiba kynthup ia ar ngut ki kynthei bad uwei u shynrang bad kumjuh ar ngut pat kiba mynsaw ha ka jingtyngkhuh kali ha katei ka nongbah mynshem taiew.
Kine baroh san ngut ki dei ki khynnah pule nong India kiba dang don ha ka rta 18 snem bad kiba pule ha ka skulbah Alpharetta High School bad ka University of Georgia.
Na ka liang ki pulit ki suba ba ka daw jong katei ka jingjia ka dei namar ba ka kali ba ki shong ka la pynher stet palat haduh ba kim lah shuh ban tehlakam bad kane ka la jia hapoh ka thaiñ Alpharetta jong ka nongbah Georgia ha ka 14 tarik u Jymmang.
