Singapore, Jymmang:
U CEO ka Singapore Airlines ha ka Sngi Balang u la pan map halor ka jingjia ba sngewsih ka bym lah shuh ban tehlakam da ki bor pyniaid ka liengsuiñ jong katei ka Kad Liengsuiñ ha kaba uwei u nongleit jingleit u la khlad noh shisyndon bad kumba 70 ngut kiwei pat ki la mynsaw namar ka jingthut kynsan jong katei ka liengsuiñ kaba mih na London bad leit sha Singapore.
Katkum ka dur-khih kaba u Goh Choon Phong u la pyllait paidbah ha katei ka sngi, u Choon Phong u la ai jingkren halor katei ka jingjia kaba la jia ha ka sngi ba la leit bad ha kajuh ka por ruh u la pynpaw ka jingsngewkhia kaba jur ba na ka liang ki bor pyniaid katei ka liengsuiñ kim shym lah ban tehlakam ia katei ka jingjia bad kaba la wanrah jingma ia baroh kiba shong ha katei ka liengsuiñ ha katei ka sngi. Kane ka la jia ha ka liengsuiñ SQ321 kaba mih na London ha ka Sngi Ba-ar.
Namar la ong ba katei ka liengsuiñ kaba mih na London sha Singapore ha katei ka sngi ka la kynduh ia ka jingeh kaba khraw ha kaba ki pilot kiba pynher ia katei ka liengsuiñ ha katei ka sngi kim shym lah ban tehlakam ia katei ka liengsuiñ bad ha ka por kaba khyndiat jong katei ka jingbym lah ban tehlakam jong ki ia katei ka liengsuiñ, ka la wanrah pat ia ka jingkhlad jong uwei u briew bad ka la pynmynsaw ruh ia kitei ki 70 ngut tam kiba shong hapoh. La ong ba katei ka liengsuiñ 777-300ER ha katei ka sngi, ka kit haduh 211 ngut ki nongleit jingleit bad 18 ngut pat kiba long ki dkhot bad ki nongkhmih hapoh jong ka liengsuiñ.
Kumta, la ong ba ki bor pyniaid ka Singapore ki la pyntip ba 18 ngut na kitei kiba mynsaw ki dei kiba la shu sumar hangto mar ia poi ha Kad Liengsuiñ, 12 ngut pat kiba la hap ban pynthiah ha ki jaka sumar. Katba na ka liang ka Samitivej Hospital pat ka la pyntip ba ki don haduh 71 ngut ki nongleit jingleit kiba shong ha katei ka liengsuiñ bad kiba la poi leit thiah ban shah sumar ha katei ka hospital.
Nalor nangta, utei u heh ba dei khmih ia ka jingleit-jingwan lyngba ka liengsuiñ u la ong ba na ka liang ki bor pyn-iaid ka Singapore Airlines bad ki dkhot jong katei ka liengsuiñ baroh ki la ialeh katba lah ban tehlakam ia ka jingshah ktah jur jong ki nongleit jingleit kiba shong ha katei ka liengsuiñ ha katei ka sngi.
