Ohio, Jymmang:
Ha kane ka jingjia, la ong ba uwei u briew na ka nongbah Ohio jong ka United States, u la shah pharep thmu pyniap ia u khyllung 1 snem jong ka samla jong u hadien ba ki doktor ha ka 5 tarik u Jymmang, ki la pynbna iap ia utei u khyllung uba la wanrah naduh na iing sah jong katei ka samla hapdeng ka jingbym tip briew shuh. Ia utei u khyllung la ithuh kyrteng da u Kareem Keita bad ki doktor ki la iathuh ba u la dep khlad naduh na iing shwa ban wanrah ia u sha ka jaka sumar ha katei ka sngi.
Kumta, la ong ba ki pulit ki la bat noh syndon ia utei u briew uba la ithuh kum u Edward Murray namar ka jingkhlad jong utei u khyllung uba long u khun jong katei ka briew kaba don jingiadei bad u.
Katkum ka jingpeit bniah jong ki doktor, la ithuh ba utei u khyllung u la iohpang kyndit ha ka por ba u shah shoh beiñ ha utei u briew. Namar kane ka jingjia utei u khyllung u la shah ktah jur ha ki bynta ka khlieh naduh ka jabieng, ka krung bad wat ki khmat ruh kim khuid shuh hynrei ki la saw snam.
Kumta, ki doktor ki ong ba kitei ki jait jingmynsaw ki dei tang haba la shah shoh ne shah kura da ki rangbah bad kiba khlaiñ ka bor met.
