Shillong, Jymmang 26
Ka Kolkata Knight Rider (KKR) ka la ïoh rah ïa ka nam lahduh ne ban long ka Champion ha ka lympung Indian Premier League (IPL) 2024 da kaba pynliem noh ïa ka Sunrisers Hyderabad (SRH) ha ka final kaba la long ha MA Chidambaram Stadium, Chepauk, Chennai ha ka Sngi U Blei.
Kane ka jingïoh rah ïa ka nam lahduh da ka KKR kan dei ruh ha ka sien kaba lai.
Haba phai sha ka jing-ïalehkai, ka SRH kaba la jop ka jingkynting pisa ka la kam trai ban tied nyngkong, hynrei ki nongtied ba kynthup ïa u Travis Head bad u Abhishek Sharma kiba la buh jingeh ïa ki nongkawang bol ha kane ka lympung kim shym la lah satia ban ïaleh -kai bha bad duh noh kloi ïa la ka wiket. Kumjuh ruh kiwei ki nongtied kim shym la lah ban kamai bun run namar ka jinglah ban khanglad da ki nongka-wang bol ka KKR. Kumta ha kaba kut ka SRH ka la kamai 113 run bad hap lut ki wiket na ki 18.3 over.
Haba beh ïa kane ka thong ba rit, wat la ka KKR ka la duh kloi ïa ka wiket u Sunil Narine, por ba dang ïoh tang 11 run, hynrei u Rahmanullah Gurbaz bad uba la tied 39 run bad u Venkatesh Iyer uba la tied 52 run ki la lah ban ïalehkai bha bad ka wiket u Gurbaz ka la hap ha ka por ba ka KKR ka la kynjoh sha ka 102 run na ki 8.5 over bad donkam sa tang 12 run 67 bol bad ïa kaba la lah ban pyndep noh ha ka over kaba 10.3 ban rah syndon ïa ka nam lahduh.
