Shillong, Jymmang 27
U coach ka kynhun ïalehkai ka Spain u Luis de la Fuente u la pynbna ïa 29 ngut ki rangïalehkai na ka bynta ka Euro 2024 ka ban kynthup lang ïa ki rangïalehkai ba dang khynnah ka Barcelona kata u Lamine Yamal bad u Pau Cubarsi.
U Yamal uba dang 16 snem ka rta bad u Cubarsi ba dang 17 snem ka rta, ki dei ki rangïalehkai kiba la lah ban pynpaw ïa ka sap ïalehkai ha kane ka aïom. Ryngkat kine ki ar ngut, u rangïalehkai shapdeng ka Barcelona u Fermin Lopez bad u Ayoze Perez na ak Real Betis ki la shah khot ban mihkhmat ha ka sien kaba nyngkong eh ha kane ka lympung ïalehkai bar ri.
Na ka liang u De la Fuente un sa pynduna ïa ka jingdon sa tang 26 ngut ki rangïalehkai ha ka 7 tarik u Jylliew, hashwa ban sdang kane ka lympung ha Germany ha ka 14 tarik u Jylliew. Kiwei pat ki rangïalehkai ki bym shym la paw hapoh kane ka thup ki long u Marco Asensio, Gerard Moreno bad u Pablo Sarabia, ki dei kiba la ju ïashim bynta ha ki snem kiba la lah.
Kane ka jingkynthup ïa lai ngut ki rangïalehkai ka long namar ka lah ban don napdeng ki rangïalehkai ki ban ngat ha ki jingmynsaw, namar ka Real Madrid kan pynkhreh ïa ka jingïakhun final ha ka Champions League pyrshah ïa ka Borussia Dortmund ha ka 1 tarik u Jylliew.
“Kine ki jingmynsaw ki lah ban ïakynduh ha ka final jong ka Champions League lane ha ki jingkilanmet bad kine ki lah ban buh jingeh. Te kumta ngin hap ban pynduna na ka jingmynsaw ki rangïalehkai,” la ong u De la Fuente.
Kumba ka paw ka Spain, kaba la long ka lahduh ha ka European Championship ha u 1964, 2008, bad 2012, ka la rung sha ka semi-final ha ka aïom ba la dep.
Kane ka kynhun ka la don ha ka Group-B bad kan hap ban ïakhun pyrshah ïa ki kynhun ba khlaiñ bor kum ka Italy, Croatia, bad ka Albania. Ban pynkhreh ïa kane ka lympung, ka Spain kan ïashim bynta ha ki ar tylli ki jingïalehkai paralok pyrshah ïa ka Andorra ha ka 5 tarik u Jylliew bad ïa ka Northern Ireland ha ka 8 tarik.
Ki kyrteng ki 29 ngut ki rangïalehkai ki long:
Goalkeeper: Unai Simon (Athletic Bilbao), Alex Remiro (Real Sociedad) & David Raya (Arsenal/ENG).
Defender: Dani Carvajal (Real Madrid), Jesus Navas (Sevilla), Pau Cubarsi (Barcelona), Robin Le Normand (Real Sociedad), Dani Vivian (Athletic Bilbao), Nacho Fernandez (Real Madrid), Aymeric Laporte (Al Nassr/KSA), Alex Grimaldo (Bayer Leverkusen/GER) & Marc Cucurella (Chelsea/ENG).
Midfielder: Rodri Hernandez (Manchester City/ENG), Martin Zubimendi, Mikel Merino (Real Sociedad), Marcos Llorente (Atletico Madrid), Fabian Ruiz (Paris Saint-Germain/FRA), Pedri, Fermin Lopez (both Barcelona), Alex Baena (Villarreal) & Aleix Garcia (Girona).
Forward: Alvaro Morata (Atletico Madrid), Joselu (Real Madrid), Nico Williams (Athletic Bilbao), Dani Olmo (RB Leipzig/GER), Lamine Yamal, Ferran Torres (both Barcelona), Mikel Oyarzabal (Real Sociedad) & Ayoze Perez (Real Betis).
