Shillong, Jymmang 28
Ka Meghalaya Arm Wrestling Association ka khot sngewbha ïa baroh ki ‘rang bad ‘thei ïakhun kti ban wan shim bynta sha ka “Open Meghalaya Arm Wrestling Championship” ka ban long ha ka 1 tarik u Jylliew ha Indoor Stadium Malki, Khliehshnong.
Ïa kane ka lympung la ïasnoh kti lang ryngkat ka Malki Sports Club bad ka Treilang Welfare Society. Ki kyrdan ïalehkai jong ki shynrang ki dei ki Below 50 kg, Below 55 kg, Below 60 kg, Below 65 kg, Below 70 kg, Below 75 kg & Above 76 kg. Katba ha ka liang ki kynthei ki long ki Below 45 kg, Below 50 kg, Below 55 kg, Below 60 kg & Above 61 kg.
Kat kum ka kyrwoh la ong ba ka jingthew jingkhia kan long ha ka 31 tarik mynta u bnai ha Madan Malki naduh ka por 10 baje mynstep haduh 3 baje janmiet. Ki nongjop ha kane ka jingïakop kin ïohpdiang da ki syrnod ryngkat ki takma bad la pynkhreh ruh ïa ka song pisa na ka bynta ki lahduh lane ki Champion of Champions. Ïa ki jingtip ba bniah ki lah ban phone ha ki number 8794868529, 8259-801751 & 8731050699.
