Shillong, Jymmang 29
U Ronald Koeman u la pyllait ïa ka thup kyrteng jong 26 ngut ki rangïalehkai jong ka kynhun ïalehkai ka Netherlands na ka bynta ka Euro 2024, ha kaba ki lai ngut ki rangïalehkai ka Liverpool kata u Virgil van Dijk, Cody Gakpo bad u Ryan Gravenberch ki la pynthikna na ka byna kane ka lympung ka ban sdang ha u Jylliew mynta u snem.
Hynrei ka long ka por ka bym poi pyrkhat ha kaba ki rangïalehkai kum u Ian Maatsen (u ban ïadon bynta na ka bynta ka final ha ka Champions League ka ban long ha ka sngi Saitjaiñ, kumjuh u Nick Olij bad u Quinten Timber ki la long kiba sniew bok ha kaba kim shym la shah kynthup hapoh kane ka kynhun ba la lamkhmat da u Ronald Koeman.
Ka Netherlands ym tang ba ka lah ban khur ïa ka jingjop ha ka Euro 2024, hynrei ka lah ban long ka kynhun kaba phylla hapoh ka jingïalam u Ronald Koeman, uba la lah ban pynurlong na ka bynta ban wan ka kyrdan ba-ar ïa ka ha ka jingïalehkai group kata hadien ka France.
Wat la ka Netherlands ka la jam sha ka quarter final ha ka World Cup 2022, hynrei ka la khmih lynti ban khur ïa ka jingjop ha Germany ha kane ka aïom lyiur.
Ha kane ka lympung ka Netherlands ka la don ha ka Group-D ha kaba kan ïakhun pyrshah ïa ka Poland ha ka 16 tarik u Jylliew, kumjuh ïa ka France ha ka 21 tarik bad ïa ka Austria ha ka 25 tarik.
Ki 26 ngut ki rangïalehkai ka Netherlands ki long:
Goalkeeper: Justin Bijlow (Feyenoord), Mark Flekken (Brentford) & Bart Verbruggen (Brighton & Hove Albion).
Defender: Nathan Ake (Manchester City), Daley Blind (Girona), Virgil van Dijk (Liverpool), Denzel Dumfries (Inter Milan), Jeremie Frimpong (Bayer Leverku-sen), Lutsharel Geertruida (Feyenoord), Matthijs de Ligt (Bayern Munich), Micky van de Ven (Tottenham Hotspur) & Stefan de Vrij (Inter Milan).
Midfielder: Ryan Gravenberch (Liverpool), Frenkie de Jong (Barcelona), Teun Koopmeiners (Atalanta), Tijjani Reijnders (AC Milan), Jerdy Schouten (PSV Eindhoven), Xavi Simons (RB Leipzig), Joey Veerman (PSV Eindhoven) & Georginio Wijnaldum (Al-Ettifaq).
Forward: Steven Ber-gwijn (Ajax), Brian Brobbey (Ajax), Memphis Depay (Atletico Madrid), Cody Gakpo (Liverpool), Donyell Malen (Borussia Dort-mund) & Wout Weghorst (Hoffenheim, on loan from Burnley).
