Shillong, Jylliew 03
Ka synjuk ïalehkai East Khasi Hills District Chess Association (EKHDCA) ka la jied ïa 12 ngut ki nongïalehkai chess ki ban mihkhmat ïa kane ka district sha ka “47th Megha -laya State FIDE Rating Chess Championship 2024” ka ban long ha Asanang Wangala Hall, Tura naduh 12 haduh 15 tarik mynta u bnai.
Kane ka jingïoh jied ka la wan hadien ba la lah ban pynlong ïa ka lympung ïalehkai “6th East Khasi Hills District Chess Selection Tournament 2024” ka ba ar sngi kaba la poi sha kaba kut ha ka 1 tarik mynta u bnai ha Umsohsun Community Hall, Shillong.
Kine nongshah jied ki long u Bobby Lyngdoh (Pynthorumkhrah), Ganesh Rai (Demseiñïong), Anubhav Sharma (Mawprem), Ardhendu Shekhar Mandal (Demseiñïong), Banrijohn Mukhim (Mawkynrew), Gipolson Pahsyntiew (Laitum-khrah), ka Gargee Cha-kravarty (Jail Road), Sawan Dey Sarkar (La-ban), Ratnadeep Dutta (Jail Road), Devraj Dutta (Jail Road), Jefferson Lyngdoh (Jaiaw Lang-sning) bad u Sudil Limboo (Nongmensong).
Kat kum ka kyrwoh ba la pyllait da u Bah Jerry N. Pajat, Publicity Secretary ka East Khasi Hills District Chess Selection Association la ong ba napdeng ki nongïashim bynta ha katei ka lympung, saw ngut ki ban wan ha ki kyrdan ba hakhlieh kin ïoh ïa ka lad ban mihkhmat ïa ka Jylla sha ka National Chess Championship 2024 ka ban long ha Haryana naduh 17 haduh 27 tarik u Nailar mynta u snem.
