Shillong, Jylliew 05
Ka Meghalaya State Olympic Association (MSOA) ka la shong jingïalang ha ka sngi Balang na ka bynta ban bishar bniah halor ka jingpynrung ïa ki jait jingïalehkai ha ka 6th Meghalaya Games 2025 kaba la thmu ban pynlong ha West Jaiñtia Hills ha u snem ban wan.
Ha kane ka jingïalang kaba la long ha conference hall jong kane ka synjuk, ki la don haduh 23 tylli ki synjuk ïalehkai kiba hap hapoh ka MSOA kiba la wan ïashim bynta lang. Kane ka jingïalang ka long ban ïatai sani hadien ka jingwan jurip dangshen ïa ka nongbah Jowai myn ha ka 28 tarik u Jymmang da ki dkhot ka MSOA.
Ïa kane ka jingïalang la pynïaid da u Bah John F Kharshiing, Working President ka MSOA ha kaba la ïadon lang u Bah Finely L. Pariat, General Secretary nalor kiwei ki dkhot ka synjuk.
