Shillong, Jylliew 10
Ka lympung ïalehkai chess ba la tip kum ka Inter School Chess Tournament 2024 ba la pynïaid da ka Mawphlang Secondary School ha ryngkat ka jingïatrei lang bad ka State Council of Science Technology and Environment, ka la poi sha kaba kut ha ka Sngi Saitjaiñ.
Ha katei ka lympung kaba la pynlong ha katei ka skul kaba don ha Mawphlang, la wan ïashim bynta da hynriew tylli ki skul na katei ka thaiñ bad ka jingthmu hi ka long ban pynproh ïa ka jabieng ki khynnah ha kane ka jingïalehkai.
Ïa ka nam nongjop ha ka Junior Girls la rah da ka Rishta G Momin (St. Paul’s Higher Secondary School, Marbisu), ba-ar ka Bahunhaki Langstieh (Mawphlang Govt UP School, Mawphlang) bad ïa ka kyrdan balai da ka Rihunïaphi Lyngdoh Mawphlang (Rev Thomas Jerman Jones School, Mawphlang). Ha ka liang ki khynnah shynrang la rah da u Wankibabiang Sun (MDC Multipur-pose Higher Secondary School, Maw-ngap), ba-ar u Banteiboklang Khyriem (MDC Multipurpose Higher Secondary School, Mawngap) bad balai u Mewan-teinam Kharshiing (MDC Multipurpose Higher Secondary School, Mawngap).
Ha ka liang ki Senior Girls la rah da ka Elisa Mary Rapthap (St Paul’s Higher Secondary School, Marbisu), ba-ar ka Aizelin G Momin (St Paul’s Higher Secondary School, Mawphlang) bad balai ka Persara L.Marshillong (Maw-phlang Secondary School, Mawphlang). Ha ka liang ki shynrang la rah da u Damewanjop Kharwanniang, ba-ar u Andrino Khyriem (MDC Multipurpose Higher Secondary School, Mawngap) bad balai u James Donald Kharkongor (MDC Multipurpose Higher Secondary School, Mawngap).
