Shillong, Jylliew 10
U Carlos Alcaraz u la rah ïa ka nam lahduh ha ka French Open 2024 hadien ba u la lah ban pynliem noh ïa u Alexader Zverev ha ka jingïakhun final kaba la long ha ka Sngi U Blei ha Roland Garros.
Ha katei ka jingïakhun final u Alcaraz u la lah ban pynliem noh da 6-3, 2-6, 5-7, 6-1, 6-2 ïa u rangïalehkai na Germany u Zverev na ka bynta ban kynjoh sha ka thong ha Paris.
Utei u rangïalehkai ba dang 21 snem ka rta na Spain, uba long u rangïalehkai uba la paw hadien u Rafael Nadal ban rah ïa katei ka nam jop ha Roland Garros bad uba long uba dangkhynnah ban rah nam jop ha katei ka lympung ïalehkai kaba heh.
Ha shwa ban jam sha ka final kaba la long ka Sngi U Blei, u Alcaraz u la lah ban pynliem ïa u Jannik Sinner ha ka semi final kaba la long ha ka Sngi Thohdieng. Te kumta u Alcaraz u la lah ban rah ïa katei ka nam jop sa ha Roland Garros hadien ba u la jop teng ha ka U.S. Open ha u 2022 bad ha ka Wimbledon ha u 2023.
