Shillong, Jylliew 11
Ka kynhun ïalehkai kriket ka India kan pynkhreh ïa ka jingïakhun kaba lai ha ka T20 World Cup pyrshah ïa ka USA ha ka Sngi Balang.
Kane ka jingïakhun ka long kaba kham kongsan na ka bynta ka India namar ka donkam ban beit jop sa shisien khnang ban jam sha ka Super Eight. Ka India la khmih lynti ba kan pynïalehkai da kijuh rangïalehkai kumjuh kiba lah ban pynurlong ïa ka jingjop pyrshah ïa ka Pakistan da 6 run.
Kumba ka paw ka India la lah ban jop ar sien na ka Group-A bad ka jingjop kaba nyngkong ka dei ïa ka Ireland da 8 wiket, katba ka USA ka la lah ban pynliem Canada da 7 wiket bad ruh ïa ka Pakistan lyngba ka Super Over (5 run). Lyngba kine ki jingjop mar ar sien, ka India bad ka USA ki la ïaryngkat mar 4 point.
Ki rangïalehkai ka India ki kynthup ïa u Rohit Sharma (c), Hardik Pandya, Yashasvi Jaiswal, Virat Kohli, Suryakumar Yadav, Rishabh Pant, Sanju Samson, Shivam Dube, Ravindra Jadeja, Axar Patel, Kuldeep Yadav, Yuzvendra Chahal, Arshdeep Singh, Jasprit Bumrah bad u Mohd. Siraj.
Katba na ka United States ki long u Monank Patel (c), Aaron Jones, Andries Gous, Corey Anderson, Ali Khan, Harmeet Singh, Jessy Singh, Milind Kumar, Nisarg Patel, Nitish Kumar, Noshtush Kenjige, Saurabh Nethralvakar, Shadley Van Schalkwyk, Steven Taylor bad u Shayan Jahangir.
Kane ka jingïalehkai kan sdang ha ka por 8 baje janmiet ha New York.
