Shillong, Jylliew 14
U lahduh barim ka Commonwealth u Sangram Singh u la pynkhreh ban long uba nyngkong eh na ki nongïalympat ka ri ban ïasoh noh sha ka jingïalehkai Mixed Martial Arts.
U Sangram u la long uba ar na ki nongïalehkai ka ri kata hadien ka Puja Tomar kaba la ïashim bynta kum ka nongïakhun ha ka MMA lyngba ka jingtbit ka jong ka kum ka nongïalympat.
“Ka jingïalehkai ka jong nga ha ka jingïalympat ka la pynïoh ïa nga ka jingïeit na ki paidbah jong ka ri bad nga la khmih lynti ban bteng ha kam ïalehkai,” la pynpaw u Sangram.
“Ka MMA ka long kawei ha ka kam ïalehkai ka ban nang pynïoh ïa ka mynsiem ïakhun naduh kine ki snem kiba la leit. Ka India ka don ïa shibun kiba sakhi ïa kane ka jingïalehkai bad nga kyrmen ba ki paidbah kin ai ka jingkyrshan ïa nga ha kane ka jingïalehkai,” u la bynrap.
Dangshen u Sangram uba la 38 snem ka rta u la wanphai biang sha ka jingïalehkai ïalympat hadien hynriew snem ba u la shim bynta khatduh ha ka Dubai Pro Wrestling Championship, ha kaba u la lah ban pynliem ïa u rangïalehkai ka Pakistan u Muhammad Saeed.
