Peshawar, Jylliew:
Utei u nongthoh khubor ka Paksitan ha ka Sngi Ba-ar u la shah siat iap ha ki runar bym don jingithuh hapoh ka thaiñ Khyber Pakhtunkhwa kaba sha ka phang Northwest jong ka Pakistan.
U Khalil Jibran, u long u nongthoh khubor jong ka Pashto News Channel bad u la shah siat iap ha ki runar hajan ka iingsah jong u hi hapoh Mazrina Sultankhel jong ka distrik Khyber.
Katba, uwei pat ia uba la ithuh kyrteng kum u Sajid, u la ngat bad mynsaw ha katei ka jingleit thombor jong kitei ki runar ha katei ka sngi katba u dang leit poi ha katei ka jaka.
Hynrei, la ong ba kitei ki runar ki la iohlad ban phet krad noh tang mar ia dep siat hashwa ba ki pulit ne ki briew kin lap ia kin a katei ka jaka.
