Ka jingshah thngan jong kino kino ki riew shimet ne ki kynhun pyrshah ïa ka bamsap, ka jingleh shiliang jong ka sorkar ha kiba bun kiei kiei kiba ktah ïa u paidbah mynta ka la kylla long kawei na ki mat ba khlaiñ ban pynïoh ïa ki jingdawa kum ki kam pynroi (development) ban pynïoh vote sngewlem bad ban pynkiew bainong ter ter.,
Kane ka mat mynta ka kylla long kaba ïaid iew bha bad khring bha ïa ki paidbah ban don ka mynsiem sngewlem ïa kito kiba ieit shah thngan ban pynpaw ha ka pyrthei ba ki don ka hok ban shah thngan na ka bynta ka ri bad ka jaitbynriew.
Ka jingshah thngan kumba ka paw ka la kylla long ka atiar kaba khlaiñ mynta ban pynkohnguh ïa ki bor sorkar ban pyndep ïa ki kular kum ka jingsah teng ki skhim pynroi, ka jingbym ïoh tulop biang por bad kiwei kiwei. Kane ka jingshah thngan ka long kawei na ki bor ba khlaiñ bha mynta ban jwai shkor ïa ki bor sorkar ban pyndep ïa ki kular. Ka jingshah thngan ka long ka atiar kaba khlaiñ bha mynta ha ka synshar paidbah.
C. B. Iawphniaw
