Shillong, Jylliew 24
Ka lympung ïalehkai siat carrom ba la tip kum ka 17th Lawei ka ri Open Carrom Championship 2024 ba la pynïaid da ka Lawei Ka Ri Sports Social & Cultural Club ka la poi sha kaba kut ha ka sngi Saitjaiñ ha Indoor Sports Hall, Mawlai Mawdatbaki ha kaba u B. Sarkar u la rah ïa ka nam lahduh ha ka jingïakhun para marwei jong ki shynrang.
Kane ka jinglah ban pynurlong ka la wan hadien ba u la lah ban pynliem noh ïa u D. Sewa ha ka jingïakhun final. Ha ka Men Doubles, la jop da u B. Sarkar bad u S. Syiem, kiba la lah ban pynliem ïa u D. Sewa bad K. Lyngdoh.
Ha ka Women’s Singles, la rah da Kong M. Mukhim, kaba la pynliem ïa ka D. Kshiar. Ha ka Veteran Singles, la rah da u A. Lyngdoh bad la wan ba-ar u Bah D. Passah. Ha ka Mixed Doubles pat la ïoh rah da u Bah B. Wrjri bad S. Nongbet bad la wan ba-ar da K. Lyngdoh bad M. Marweiñ.
Katba ha ka Team Event ne jingïakhun kum ka kynhun, la rah da ka Ryntihlang CC bad la wan ba-ar da ka Jaiaw CC.
Ïa kane ka lympung ïakob siat carrom, la pynhap pyrda da u Bah Teiborlang Pathaw, MDC ka Mawlai Constituency.
