Shillong, Jylliew 25
U MLA ka Mawkynrew u Bah Banteidor Lyngdoh ha ka sngi Ba-ar u la buh ïa ar tylli ki mawnongrim ha ka shnong Laitkyrhong ban kyntiew ïa ki kam ïalehkai bad ruh ban plie ïa ka madan ïalehkai Basketball khang ba ki khynnah kin ïoh ban pyndonkam.
Haba kren ha kane ka sngi u Bah Banteidor Lyngdoh u la ong mynta ka sngi ka dei ka sngi kaba khraw na ka bynta jong ka shnong baroh kawei. Ka jingwan buh ïa kine ki Mawnongrim ban tei ïa ka Indoor Sports Hall kaba T.2 klur 21 lak bad ruh ban pynbha ïa ka madan ïalehkai phutbol ha kaba la mang T. 78 lak.
U Bah Banteidor u la bynrap da kaba ong, “Nga kwah ban pyntip sha phi balei ka Laitkyrhong ka ïoh mynta ka kynti ha kaba ka la don ka jingiakhñium ka jingïakren ha shnong ha thaw halor kine ki kam pynroi balei ki slem.”
U la iathuh ba ha shuwa ban don ka ilekshon la dep ban mang pisa lupa, hynrei da ka jingwan ka ilekshon kim lah shuh ban tei dei halor kane ka daw ba ka shim por. U la ai khublei ïa ki nongshong shnong kiba kloi ban ai ka jingïatreilang bad mynta kane ruh ka la urlong bad shen kin sa sdang noh ban shna noh.
