Shillong, Naitung 17
Kum shi bynta ban rakhe ïa ka lyngkhuh sngi iap ba 189 jong u Pa’iem Tirot Sing Syiemlieh, ka seng KSU NEHU Unit ka lah pynlong da ka jingïalehkai phutbol paralok ha ka sngi Balang ha SAI Training Centre, Shillong. Ha ka jingïalehkai kaba nyngkong ka la long hapdeng KSU NEHU Unit (kynthei) pyrshah ïa ka NEHU Hynñiewtrep Hostellers Union (HHU), ha kaba ka KSU ka lah jop suk da 7-0 kol.
Haba phai sha ka jingïalehkai ka ba-ar ka dei hapdeng ka KSU NEHU Unit 2023-23 pyrshah ïa ki nongialam barim ka KSU NEHU Unit, ha kaba ka KSU NEHU Unit 2023-24 ka la khur ïa ka jingjop da 4-0 kol.
