Ka mynsiem bishni bad pihuiñ ka mih na ki dohnud jong ngi ki briew ki bym sngewnguh ïa kiei kiei ki jinglehbha jong kiwei ha jingsngewmong ki klet lut ïa ka jingieit ba la ïohpdiang.
Ki jingkynnoh ban pynthohbria ïa nga bad ïa ka ïing ka sem hakhmat ka pyrthei da ki san ngut ki longkmie ha social media ki long kiei kiei bym shisha, don eiei ha lyndet ki jingkynnoh. Haba myntoi ki wan ban ïaroh, hynrei haba duhnong ki tynrah nadien bad klet ka jingïatiplem. Kim kynmaw shuh ïa ki jingmyntoi ba ki ïoh khur ki kmen sarong ban ujor ïa ki nonglehbha. U Kynrad hi un bishar ïa ka jingshisha, kiba kynnoh bad nongbyrngem nongbyrsit baroh.
Ka jingpynmih kyrteng ïa ka MSKDF (Karate) dei ka jingbym ïoh leh kai ki sub-junior ha Dehradun ha ka ba ka pisa jong ki la dep pynphai lut. ïa Ka MSKDF la ithuh pura da ka Karate India Organization (KIO), World Karate Federation (WKF), I.O.C. etc.Ka MSOA kat kum u Finely Pariat ka bakla ban ong ba ka kam ithuh ïa ka MSKDF hynrei ban ithuh beit tang ïa ka AMKA dkhot ka Karate Association of India (KAI) kaba lah shah weng (permanently dis- affiliated) na ka World Karate Federation (WKF) naduh 15th, November, 2021 ha Dubai. Ki bor ba dei khmih bishar lem ïa kane ka shah liang (bais/illegal) kaba la kot laisnem.
Ka jingkynnoh pan bhah 10% iwei-pa-iwei ka long ka bym shisha, nga khot ïa kita ki nongsiew ban pynshisha ïa kane ka jingkynnoh khlem nongrim. Ka jing wan ai Rs.10,000/- da ka kmie I Martina Blah ka dei ka jingaisngewbha ym ka 10% na award ba ki ïoh 1,20,000/- ba jop ha National Jeet Kune-Do ym ha ka MSKDF. ïa Katei ka pisa la khate bad ki jingpyndonkam ïa ki Tiar leh kai ka MSMA bad ka bai bnai basah.
Ka meeting ba khot I Lorenza dei tang ban pynbeit ryntih (discipline) ïa ka rukom ïalehkai biang por. Ym don ba hylla na sharud kumba kynnoh. Dei tang ka ID Card ym ka Certificate Coach ba ki kynnoh ïa I Kong Bajoplin Kharmudai.
Khlem khot meeting I Kong Banjoplin ne I Kong Anita Songthiang bad khlem phah ma nga dei ki Senior Members ka MSMA ba khot ban ïaphylliew jingmut ki Association bapher bapher bad ki kmie-kpa ha Phudmawri ban pynmih fund ïa ki seng ki bym ïoh jingïarap na ka sorkar. Ngam shym don ha katei ka meeting.
Ka jingkynnoh ba ai certificate jop kam don nong-rim. Ka kyndon ka long ba dei ban pynduh (cancel the validity) lada lap jingbakla ha ki Certificate .
Ki jingkynnoh (misplaced) ki certificate kam don nongrim. Kine ki longkmie kin dang hap siew ki tiar ba ki thied bad bai bnai basah. Ki khynnah ba shah phah noh (ym ba beh krad) dei ki khynnah ba la pep training 6bnai kiba wan pat ha katei ka sngi shuti.
Ka 16,500/-dei ka bai lut bai sep ki khynnah ïalehkai naduh Shillong sha Dehradun & Back.
Ban pynshai ka jingkynnoh ba rim ïa ka 50,000/- ha ka Kickboxing (2016-17) ba nga la shim ruh kam don jingshisha. ïa katei ka pisa la leit draw na sport dept. A/C. na I Smti. M. War, Director of Sports ha kato ka por da u nongkynnoh bad ki Muktiar jong U. Hynrei U khlem pynshai pat ïa ki paidbah kiba dang sngewthuh bakla ïa kane haduh mynta.
DONNY R RANEE
