Tehran, Nailar:
Ka Iran ha kane ka por ka la byrngem tyngeh biang ban pynhiar kput ia ka Israel halor ka jingleit thombor jong ka ia u nongialam ka Hamas u Ismail Haniyeh shapoh u pud- u sam jong ka Iran katba u dang leit ban sakhi ia ka tamasa ba kyrpang jong ka Iran mynshem taiew.
Namar ka tnat kam bar ri jong ka Iran, ka la ong ba katei ka jingleit thombor jong ka Israel ia utei u nongialam ka Hamas hapoh Iran, ka long ka jingpynkheiñ ia ki kyndon aiñ jong kawei pat ka ri.
Kumta, ka Iran ka la pynpaw ia ka jingbitar kaba jur namar ka jingnud jong ka Israel ban leit tuklar bad leit rung shaduh hapoh u pud- u sam jong ka Iran, tang ba kan ioh ban shim ia ka jingim jong utei u nongialam ba hakhlieh duh jong ka Hamas, ba ka Israel ka la buh thong la slem ban ioh ban shim ia ka jingim jong u.
