Washington, Nailar:
Ka United States ha kane ka kynti, ka la pynpaw ka jingsngewkhia kaba jur halor ki jingiakynad hapoh Bangladesh, kynthup naduh ka jingshah thombor ki dkhot jong ki kynhun riewngeit kiba don ha katei ka ri.
Namar la ong ba ka ri Bangladesh ka don hapdeng ki kynrum-kynram bad ki jingiakynad ba shyrkhei naduh ba ka Myntri Rangbahduh jong katei ka ri- ka Sheikh Hasina, kaba la don ha ka bor mynta la 15 snem kynthih, ha ka Sngi Ba-ar ka la phet krad noh na katei ka ri bad kaba la pynlong ia ki paidbah nongiakhih ba kin leit ban tur sha ka jaka sah jong ka, ban pynjot-pynjulor bad ki la rah bad kit lut ruh ia ki jingdon-jingem bad ki tiar- ki tiar ba donkam na ka jaka sah jongka ha katei ka sngi.
