Shillong, Nailar 12
Ki khynnah skul barim jong ka Nativity Higher Secondary School Alumni Association ha ka Lah Sngi U Blei ki la ai khublei kitbok kitrwiang ïa ka ‘thei ïakhun kti ka samla Banrihun Lyngdoh ka ban leit shim bynta ha ka World Arm Wrestling Championship 2024 ka ban long ha Moldova..
Kine ki kynthup ïa u Bah Kynpham Kharlyngdoh, President ryngkat ka jingdonlang u Bah Denis Nongsiej uba long u dkhot ka Alumni Association uba dei ruh u SDSEO bad DSEO jong ka SWKHD, ha kaba ki la noh synñiang da ka song pisa kum shi bynta ban ïarap lem ïa ka bai lynti bad ki jingdonkam jong ka. Ka synjuk ka ai ruh ka jingkyrkhu jingkyrdoh ïane ka samla ba kan ïalehkai bha bad ruh ban wanrah nam bad burom ïa ka skul bad ka jylla hi baroh kawei.
Ym tang ka Alumni Association ha kane ka sngi ki para khynnah skul jong ka Nativity Hr Secondary School ki la noh synïiang lem ïa ka samla Banrihun Lyngdoh da ka song pisa.
Katei ka nongïalehkai kaba dang 16 snem ka karta ka dei kaba dang pule ha ka Class-IX ha Nativity Hr Secondary School Mawkyrwat ka la ai ka jingkhublei ïa baroh kito ki briew kiba la ïarap bad noh synñiang ïa ka bad kumba ka pynpaw ïa ka jingthrang eh ban leit ïakhun ïa ka World Arm Wrestling sha Ri Europe. Ka kyrmen skhem ba ynda ka wanphai kan sa wanrah ryngkat ka nam ka burom na ka bynta ka skul, ka jylla bad ka Ri baroh kawei.
