Athens, Nailar:
Ki bor synshar jong ka Greece ki la pynkynriah noh ia ki paidbah nongshong shnong jong ka shnong Marathon, kaba dei ka jaka ba la wanrah bad pynpaw pyrthei ia ka jingmareh Marathon, namar ka pluh khlaw kaba jur.
Kumta ki bor pynïaid ka Greece ha ka Sngi U Blei ki la bthah ia ki nongshong shnong jong ka Marathon ba kin mih noh na katei ka shnong bad ban leit sah shipor sha ka shong marjan ka Nea Makri khnang ban ïada shipor na ki jingma kiba lah ban wan jia namar ka jingpluh jong katei ka khlaw.
Ha katei ka sngi, la don katto katne kiba la shah ktah ha katei ka jingpluh khlaw kaba jur, ha kaba 8 ngut la pynkit noh sha ki jaka sumar ba kham hajan namar ka jingioh kem pang ha katei ka jingjia. Kham bun na kitei kiba kem pang bad shah ktah ki dei kiba don jingshitom ring mynsiem.
Katba ki nongpynlip ding ki dang pyrshang ban tehlakam ia ka phang pdeng jong katei ka khlaw ha ki bynta ka Attica kaba don Shatei Lam Mihngi.
La iathuh ba katei ka ding ka la sdang ban pur ha ka por kumba 3 baje jong ka kylla step Sngi U Blei bad ka sdang nyngkong eh na ka shnong Varnavas.
