Beijing, Nailar:
Ka tnat pahara duriaw jong ka China ka la pyntip ba ha ka step Sngi Nyngkong, kawei ka jhad kit mar jong ka Philippine ka la leit kum iatyngkhuh bad ka jhad kit mar jong ka China ha ki bynta jong ka South China Sea.
Katkum ka video kaba la pyllait da ka tnat pahara duriaw ka China ha ka Sngi Nyngkong, la iohi ia katei ka jingiatyngkhuh kitei ki 2 tylli ki jhad ha ka por kumba 3:24 jong ka step Sngi Nyngkong bad ka China ka la kynnoh ba katei ka jhad na Philippine ka la leit rung khlem jingbit sha katei ka bynta jong ka Sabina Shoal khlem da pyntip shwa ia ka China.
