Mawkyrwat, Nailar 19
Ka Nonglang SC ka la pynhap pyrda noh ïa ka Women’s League 2023-2024 ha kaba ka Pyndenbah ka la khur ïa ka nam lahduh hadien ba ka la lah ban pynliem noh ïa ka Pyndenjathang da 3-0 kol ha ka lah sngi U Blei madan Pyndeniewlyngdoh.
Ka jingïalehkai ka la long kaba itynnad bha bad tangba ha kaba khatduh ka Pyndenbah ka la ïoh thep 3 kol ha ki minit kiba sah tang khyndiat jong ka kylla miet.
Ha kane ka lympung ki ladon san tylli ki kynhun ki la wan ïashim bynta kba kynthup ïa ka Mawphorkynbat, Pdengshnong, Lawmyrsiang, Pyndenbah bad ka Pyndenjathang. La wan ban pynhap pyrda ïa Kane ka lympung da u Bah Dawningstar De Peter Marweiñ bad ka Kong Balutmon Nengnong (Football Coach) ha ka jingïadon ryngkat ki riew rangbah bad ki samla jongka shnong bad ka thaiñ.
Ka Nonglang SC ka la ïoh ruh ban pynkup burom ia ka samla Darishisha Kharlyngdoh kaba la wanrah burom ïa ka shnong ka district ka Jylla bad ka dong ka thaiñ hi baroh kawei kaba ka la ïoh khusnam Player of the Match ha ka Football Delhi Women’s League (Premier League 2022- 2023). Kane ka long ka kat kum ka kyrwoh ba la pyllait da u Secretary Nonglang SC u Bah Kordorlyne Kharlyngdoh.
