Shillong, Nailar 19
Ka Madan S&CC ka la jam sha ka final ha ka lympung ïalehkai SSA Under-20 Fourth Division hadien ba ka la lah ban pynliem noh ïa ka Madanryting SC lyngba k tie-breaker da 4-2 kol ha ka lah sngi U Blei.
Ha kane ka jingïakhun kaba la long ha SSA Stadium baroh ar ki kynhun ki la thep mar shi kol bad haduh kaba kut ka jingïalehkai kim shym la la ban pynurlong. Ha ka extra time ki la ïakhaid biang da mar 3-3 kol. Dei ha ka jingïashut ïa ka tie-breaker ba ka Madan ka lah ban pynurlong na ka bynta ban thep haduh 4-2 kol na ka bynta ban khur syndon ïa ka jingjop.
Haba phai sha ka Third Division, ka Mawpat SC ka la ïasam mar shi point bad ka Ïatyllilang SC hadien ba ki la ïakhaid khlem don ba thep kol.
Ka jingïalehkai ha ka sngi Ba-ar kan long hapdeng ka Umlyngka SC pyrshah ïa ka Krang SC ha ka por 12:45 mynsngi, katba ka Umpling SC ïa ka Gorkha Association ha ka por 3:45 janmiet.
