Stockholm, Nailar:
Ka World Health Organization (WHO) ha kane ka kynti ka la pyntip ba kiba kham bun ki nongpang ‘Clade 1 mpox’ kiba la wan pur bad wan poi nabar ki lah ban pur stet bad jur ha Europe ha kine ki khyndiat por ki ban wan. Kane ka la long ruh hadien ba ka Sweden ha ka Sngi Palei ka la pynbna ba la shem ia kane ka jingpang ha katei ka ri ha ka sien nyngkong eh bad kham ñiar ban shem ia kane ka jingpang shabar jong ka Africa.
Namarkata, katei ka tnat ka koit ka khiah jong ka pyrthei ‘WHO’ ka la maham lypa ba kane ka jingpang kaba ju kham iohi tang ha Africa, ha kine ki por ban wan kan sa jur ha ka dew-bah Europe baroh kawei.
Ia kane ka jingpang ym ju kham shem koit ba kan pur ha ki briew hynrei lait noh ha kito ki jaka ba ki ju shongkha para shynrang. Hynrei ha une u snem, kane ka jingpang ka la pynkhih win ia ki ri bapher bapher jong ka pyrthei kiba la ioh mad bad sakhi ia kane ka jingpang kaba kynsha bad ka bym ju pur kulmar kumba long ha kine ki sngi mynta.
