Shillong, Nailar 21
Shi bynta ban pynkhreh ïa ka lympung ïalehkai Intercontinental Cup ka ban sdang ha ka 3 tarik u Nailur mynta u snem, u coach ba thymmai jong ka kynhun ïalehkai ka ri India u Manolo Marquez u la pyllait ïa ka thup jong ki 26 ngut ki nongïalehkai kiba lah ban long ki nongïalehkai na ka bynta ka prokram jingpynkhreh ka ban long ha Hyderabad.
Ïa kane ka Intercontinental Cup jong ki lai tylli ki ri, kan long ha Hyderabad naduh ka 3 tarik Nailur haduh ka 9 tarik, ha kaba ka India kan ïakhun pyrshah ïa ki ri kum ka Syria bad Mauritius, kiba don ha ka kyrdan kaba 93 bad 124 ha ka kyrdan ba thymmai jong ka FIFA.
Ka jingkilanmet ka long ban sdang naduh ka 31 tarik mynta u bnai, bad kan ailad ïa u Marquez ban pynurlong ïa ka jingthmu jong u ha ka sien kaba nyngkong na ka bynta ka kynhun ïalehkai jong ka India.
“Ngi sngewkmen shibun eh ïa ka jingïalehkai pynkhreh ba nyngkong jong ngi bad nga tip ba kan long kumjuh na ka bynta ki nongïalehkai.” ong u Manolo Marquez haba pynbna ïa ka kynhun.
“Ngin ïakynduh pyrshah ïa ki ar tylli ki kynhun bapher bapher ka kyrdan ka jong kim kam da long kaba kongsan. Ngi donkam ban ïatreilang baroh ha kajuh ka lynti ban wad ïa ka kynhun nongïalehkai kaba dei bad ka jinglong tynrai jong ki kan long kaba bha shibun, kaei kaei kaba nga thikna pura.
“Nga tip ba baroh ngi don ha ka por shwa ka samoi bad kan long kaba sngewtynnad ba ngin hap ban ïakhun tyngeh. Ka long ka burom kaba khraw ban phong ïa ka jersey jong ka India bad ngi donkam ban pyni na ka bynta baroh ki nongkyrshan jong ngi,” u la bynrap.
Ki kyrteng ki 26 ngut ki rangïalehkai ka ri ki long
Goalkeeper: Gurpreet Singh, Amrinder Singh & Prabhsukhan Singh Gill.
Defender: Nikhil Poojary, Rahul Bheke, Chinglensana Singh Kon-sham, Roshan Singh Naorem, Anwar Ali, Jay Gupta, Ashish Rai, Subhasish Bose & Mehtab Singh.
Midfielder: Suresh Singh Wang -jam, Jeakson Singh, Nandhakumar Sekar, Naorem Mahesh Singh, Yasir Mohammad, Lalengmawia Ralte, Anirudh Thapa, Sahal Abdul Samad, Lallianzuala Chhangte & Lalthathanga Khawlhring,
Forward: Kiyan Nassiri Giri, Edmund Lalrindika, Manvir Singh & Liston Colaco.
