Khliehriat, Nailar 30
Ka Rymbai Madanpynriang Sports Club kala khur ïa ka jingjop katba ka Sutnga Mission SSCC bad ka Iapmala United Sports Club kila mad ka jingïakhaid ha ka jingïalehkai jong ka lympung 2nd Division Football Tournament ïa kaba la pynïaid da ka East Jaintia Hills District Football Association (EJHDFA).
Haba phai sha ka jingïalehkai kaba la long ha ka sngi Thohdieng ha madan phlang plastik ha Dein-shynrum, ka Rymbai Madanpynriang kala pynliem noh ïa ka Pamrapaithlu Sports Club da 4-0 kol.
Ki nongthep kol jong ka Rymbai Madanpynriang ki long u Donaldo Dkhar ha ka minit kaba 11, Obadaia Bareh ha ka minit kaba 16 lyngba ka penalty bad ka minit kaba 71 bad u Dilangki Dkhar ha ka minit kaba 68.
Haba phai pat sha ka jingïalehkai kaba bud, ka jingïakhun kala kut noh ha ka jingbym don satia ki ban lah ban pynkhih jar, kata kaba la long hapdeng ka Iapmala United SC pyrshah ïa ka Sutnga Mission SSCC.
Ha ka 2 tarik jong u bani Nailur, ka jingïakhun kan long hapdeng ka Lumputhoi Sports Club pyrshah ïa ka Khliehmyntriang SCSC ha ka por 12.30 mynsngi, katba ka Deinshalalu Sports Club pyrshah ïa ka Lakadong Umlatdoh Sports Club ha ka por 2.30 nohphai sngi.
