Bah I. S. Mawrie
Ka jingwan jong ki Kharkhana bapher bapher ha kylleng ka Ri India ki don lang ki jingmyntoi bad ki jingduhnong ha ka liang kaba ktah ïa ka Mei Mariang.
Katno ka long kaba sngewmyllung katno ka la ktah ïa ki riewlum kiba shong ha kylleng ki Ri India, ha kaba bun ki mar poh khyndew ki don bha ha jaka jong ki. Kumno ki riewlum ba shong ha ka jylla Odisha kum ki Dongria Kondh bad Kutia. Kaba don ki Bauxite mining ha ki District jong ka Kalahadi Rayagada ba don ha Jylla Odisha ki la kylla rit paid ha la ki jong ki jaka ka (Highland Part March, 2016 ka jingdon jong ki Kharkhana bapher bapher ba don ha Upper Bagam Byrnihat ba la tip kum ka Export Promotion Industries Centre (E. P. I. C) ka la ktah ym tang ïa ka Mei Mariang, hynrei wat ïa kito ki jingthung jingtep ha kito ki Shnong ba marjan kum ki Diengkwai ki la kylla rong bthuh sha kiba iong kaba mih ha ki kotkhubor Khasi ba 13-03-2016. Lyngba ki Development, ki Industries bapher bapher ki la wan seng kharkhana ha ki jaka jong ngi ryngkat lang bad ki briew ba wanlam ma ki na kiwei ne kiwei ka jaka ka ri India ban trei ha kitei ki kharkhana. Ka Sorkar Meghalaya jong ngi lyngba ka Directorate of Industries ka la dei ban kitkhia bha, shwa ba kin plie ïa kino kino ki Kharkhana ki la dei ban bishar bha ban ym ktah ïa ka Mei mariang, kum ki khlaw ki btap, ki wah ba tuid kylleng ki jaka ban ym shah ban seng Kharkhana shuh. Ai ba ka Sorkar jong ngi ka dei ban ïateh soskular ban ai kam shwa ïa ki briew nangne na ka jylla jong ngi.Ki bun bha mynta ki khun samla jong ngi kiba pass ha ki lain bapher bapher kum kiba la pass B. A., B. Com bad B. Sc bad passed ïa ki training bapher bad ïahap kyrdan lang ban trei ha kino kino ki Industries.
Ka la dei ruh ïa ki Karkhana hangne kumba ban shna ïa ki marbam mardih bad kiwei ki bym don jingktah ïa ka mei mariang ba don ki nongshong Shnong hajan jong ki. Ngim dei ban ai lad ba kin wan rah briew nabar, ki la dei shwa ban kynjoh ktien shwa bad ka Sorkar jong ngi ba wad ïa ki Samla kiba la dei kyrdan ha ki jingtrei bapher bapher. Bun ki samla jong ngi kiba la pass ha ki lain bapher bapher ki la poi da ki hajar ngut bad ki khun samla jong ngi ruh ki dei ban trei tista bad minot bha ia ki kam ba la pynkhamti bha ki, khnang ba kin lait na kino kino ki buit kiba ka nongseng kam ki lah ban beh kam noh ïa ki. Na ki daw ba kim trei beit ïa ki kumba la pynkhamti ha ki. Kane ruh kan long kum ki jingiada ia ka jylla jong ngi ban wan rah briew na kiwei ki jaka jong ka ri India haba ngi la don bun bha ki briew jong ngi kiba bit ban shimti ïa ki kam ha ki. Ai ruh ba ki khun samla ka ri jong ngi kin long kiba adkar ha ki liang baroh kiba ktah ïa ki jingim jong kiba bha sha kaba sniew, khnang ba ki nongkitkam kin ym ioh lad ban weng kam ïa ki. Ki briew jong ngi ruh kiba kot ki bor ban seng kharkhana ryngkat ka jingïarap na ki Bank khnang ba ki briew jong ngi, kin ioh kam lem ha kito ki kharkhana bapher bapher, kumno ka ktah lang ïa ka jinglong jong kito ki jaka ba wan ki Industries bapher bapher ka la pynsyllen ïa ka jinglong ki lum ki wah ha kylleng ki jaka badon ki Industries.
Kumba la jia ha kylleng ki ri jong ka pyrthei kum sha Ri America haba ki trai ri ki Red Indian kiba duh jait nangne na Ri la jng, haba la wan buhaishnong da ki briew na ri Europe kum ka ri England, France, Spain bad kiwei de ki Ri haba ki trai shnong ki la rit paid bad duh jaid syndon. Ki bar jylla kum ha ki jaka ki Industries bapher bapher, bad sha Byrnihat, Umsaw Khwan, sha Jaiñtia Hills Districts, Nongstoiñ bad dang shen sha Mawhati. Ki la nang roi bad shong Shnong hangto ki briew jong ngi ki la dei ban kyndit bynriew noh nangne sha khmat ba ngin dei ban ai lad shuh ia ki karkhana ban wan shong hangne khlem da ïa syllok bad ki trai shnong ha kito ki jaka ban iada na ki jingma ba ap kliaw ïa ka Jaidbynriew shitroh hangne ha sla pyrthei.
