London, Nailar:
Ka sorkar Britain ha ka Sngi Palei, ka la pynbna ba ka la khang pyrshah ia ki 2 ngut ki hespah jong ka Lebanon ban leit rung sha UK, kiba kynthup ia u Mustafa Ayash, ia uba ka la dep pynngat kyndon naduh ba sdang jong une u snem namar ka jingdon kti jong mu ha kiba bun tylli ki kam thombor jong ki lehnoh bad la suba ruh ba u long u nongbei tyngka jong ka kynhun lehnoh ba shyrkhei na Lebanon, ka Hezbollah.
Kumta la ong ba kitei ki arngut ki la shah khang noh lypa haba iadei bad kino- kino ki kam ba ki ju iadei kam bad katei ka ri.
Namar la ong ba, da kaba khang noh ia ka jingiadei kam jong kitei ki dkhot hapoh ka ri, kan iarap ban kyntiew ia ki jingma haba iadei bad ka jingshngaiñ ne wat ha ka ioh- ka kot jong ka UK ba kan long kaba khuid bad ba ïaid beit.
Katkum ki kaiphod ba la ioh lum, la ong ba u Ayash u la shah pynngat kyndon noh ha u bnai Lber jong une hi u snem, hadien ba la shem ia ka jingleit bei tyngka jong u sha kawei ka lad pathai khubor, kaba ka UK ka pharep ba ka long ka bynta jong ki kynhun lehnoh bad kumta ruh kane ka la long pyrshah ia ki aiñ- ki kyndon jong ka UK.
Ka Britain ka la dep khang ruh ia ka kynhun lehnoh Hamas naduh u snem 2021 hapoh ki kyndon pynkheiñ aiñ jong ka aiñ Terrorism Act bad kumta la ong ba kino- kino kiba pynpaw ia ka jingkyrshan ia katei ka kynhun, kiba pynher ia ka lama jong ka ne kiba pynbeit ia ki jingialang na ka bynta katei ka seng ki long ki nongpynkheiñ ia ka aiñ.
Ka Britain ka la pynngat kyndon pat ïa u Ahmad ha u bnai Lber jong u snem 2023 halor ka jingsuba ba u bei pisa ïa ka seng Hezbollah jong ka Lebanon kaba la ai jingkyrshan da ka Iran. Utei u heh spah, u la shah pynjari ruh ha ka US ha u snem 2019.
