Beirut, Nailur:
U heh nongialam jong ka seng ki jaitbynriew Khristan jong ka tnat shipai ka Lebanon, ha ka Sngi U Blei u la kynnoh ba ka Hezbollah ka kwah ban pynkhie thma ia ka Israel bad ka Lebanon khlem da peitthuh shwa ia ka jinglong- jingman jong ki paidbah bad khlem da twad jingmut shwa ruh na ki paidbah nongshong shnong jong ka ri.
Haba ai jingkren ha katei ka sngi, u Samir Geagea uba ialam ia katei ka seng ki jaitbynriew Khristan, u la ther pyrshah ia ka jaitbynriew Shiite Muslim ha kaba u la kynnoh ba kitei ki lehnoh Hezbollah jong ka Lebanon, ki kwah ban pynkhie thma ia ka Lebanon bad ka Israel khlem da pyrkhat shuwa ia ka jinglong- jingman jong ki paidbah bad khlem da salia ruh ia ka jingma kaba khraw kaba ap ia ki paidbah ka Lebanon kumba long ka Gaza.
