Shillong, Nailur 09
Uwei na ki nongrah nar ba paw ka Jylla u Javed Sohtun u la ïoh ban bat ïa ka nam lahduh (champion of the champion) ha ka rynsan ïakob rah nar ba la tip kum ka Bench Press Competition 2024 ba la pynlong da ka Excel Muscle Gym ha ka Sngi Saitjaiñ ha Savio Hall kaba ha Laitumkhrah.
Kane ka rynsan ïakob ka hap hapoh ka jing-khmih jong ka Powerlif-ting India bad la ïasnoh kti lang bad ka Meghalaya Power Lifting and Fitness Association na ka bynta ban kyntiew ïa kane ka jingïakob bad ban nang sei ïa ki nongïalehkai kiba kynsai na ka Jylla ba kin nangkiew shaphrang ha kane ka jait jingïalehkai.
Utei u nongrah nar uba na Lumparing u la lah ban khur ruh ïa ka nam lahduh da kaba u la lah ban rah ïa ka jingkhia haduh 83 kilo, katba ïa ka kyrdan ba-ar la ïoh da u Prakash Chetri bad balai u Asish Limbu.
Ha ka liang ki kynthei 47 kilo la jop da ka Zama-rine Kurkalang, katba ha ka Below 67kg la rah nam jop da ka Mery Syiemlieh bad ba-ar ka Zabin Marbaniang. Ha ka Below 74kg la rah nam jop da ka Larisa Momin bad ba-ar ka Aibeniti Lyngdoh Nonglait.
Haba phai sha ka liang ki shynrang jong ka 53 kilo la rah nam jop da u Banison Marweiñ, ba-ar u Andrew Mylliem Umlong bad balai u Rejoysing Shabong. Ha ka 59 kilo la jop da u Kiran Biswa, ba-ar u Vicky Mawlong bad balai u Banshanborlang Bareh. Ha ka 66 kilo la jop da u Amit Kumar bad ba-ar u Tynshaiñ Kupar.
Ha ka kyrdan ïakob jong ka 74 kilo la jop da u Anasthasuis Ryndansngi bad ba-ar u Manbha Thangkhiew. Ha ka kyrdan ïakob kaba 93 kilo la jop da u Mohan Pradhan, ba-ar u Vijay Singh bad balai u Pintu Ghosh.
