Washington, Nailur:
Katkum ki khubor la iathuh ba uwei u ophisar barim jong ka tnat CIA, ha ka Sngi Balang u la shah kem bad shah rai set patok haduh 30 snem kynthih halor ka jingpyndonkam drok bad leh be-ijot ia palat 20 ngut ki kynthei ha katto-katne ki ri.
Ia une u briew la ithuh kum u Brian Jeffrey Raymond, 48 snem ka rta uba long u nongshong shnong jong ka thaiñ La Mesa napoh ka nongbah California, uba la shah rai pynrem ha u Naiwieng jong u snem 2023 halor kawei ka mukotduma ban ktah kti bad leh be-ijot ia ki khynnah bad kiwei ki kam pynkheiñ aiñ kiba u la leh ha ki por ba la leit.
Namar la ong ba ha ki por ba utei u runar u dang don hapoh ka kam bad katei ka tnat, u la pynbeij bad pynthame ïa ki kynthei kiba lui-lui sha ka ïing ba u ai wai da ka sorkar bad u la pyndih ia ki jingdih kiba la khleh dawai ïa ki.
