United Nations, Nailur:
U President ka Ukraine- u Volodymyr Zelensky u la iathuh ha ka Security Council jong ka UN ba u la dep pynkhreh naka bynta ka jingiakren iasuk kaba ar ‘Second Peace Summit’ ban ia pynbeit ban pynkut noh ia ka thma Ukraine bad Russia bad ha kajuh ruh ka por u la pyntip ba u la dep khot kyrpang ia ka India bad ia kiwei de ki ri ba kin leit ban iashim bynta lang ha katei ka jingialang.
U Zelensky u la ong ruh ba baroh ngi tip ia kaei kaba kongsan tam ha kum kane ka por, khamtam haba ka jingma jong ki thma ka la ap ia ka pyrthei baroh kawei. Kumta ruh utei u nongialam jong ka Ukraine ha kane ka por u la pynpaw ka jingsngewkhia kaba jur haba iadei bad ki jingma kiba ap ia ka pyrthei baroh kawei namar ka thma jong ka Israel bad Ukraine. Namarkata, u la rai ban pynkut noh ia ka thma ha ka rukom kaba biang lada ka Russia ruh ka kular bad kohnguh ban leh ia kane hynrei ka Ukraine ne ka Russia ruh kim dei ban duhnong eiei khamtam haba iadei bad ki bynta kiba dei hok ki jongki hynrei kiba la shu ia kam trai markylliang naduh ba la ïaid ka thma.
Namar u Zelensky u la ong ruh ba ka jingiatrei lang, bunsien ka wanrah ia ka jingsuk bad jingbha. Namarkata, u la ong ba ka Ukraine ha kane ka por ka khot ia ka jingiatrei lang jong ki tnat bad ki ri bapher naka bynta ban wanrah ia ka jingbha haba iadei bad ka thma jong ka Russia bad Ukraine kaba la neh la 2 snem tam mynta.
