Santa Maria, Nailur:
Ki bor pynïaid ka United States ha ka Sngi Balang ki la ioh jingtip halor ka jingpluh ka iing Courthouse jong ka Santa Maria hapoh ka nongbah California, ha kaba la pyntip ba ki pulit katei ka nongbah ki la ioh ban kem noh ia u suba don kti ha katei ka jingjia.
Tad haduh ka step Sngi Palei ba la ioh lum ia kane ka khubor, la ong ba ym shym la ioh jingtip shai ia ka jingdon kiba shah ktah na katei ka jingpluh ding ha kane ka jingjia.
Namar la ong ba utei u suba don kti ha katei ka jingjia ruh, u dei uba don lang hapoh jong katei hi ka iing ba pluh bad u la kawang ia kawei ka pla kaba la thep ia ki kynja tiar kiba pynbthei, ha kaba katei ka pla kaba u kawang ka la bthei bad pynkem ding ia katei ka jaka baroh kawei.
Kumta, ia ki jingtip kiba bniah haba iadei bad kane ka jingjia, yn sa pynshai hadien ynda la ioh ban tohkit bniah ia utei u suba don kti uba ki pulit ki la bat bad kem noh shipor katba dang pynïaid ia ki jingtohkit bniah.
