Nongstoiñ, Risaw 01
Ka kynhun ïalehkai jong ka Royal FT ka la long la lahduh ha ka lympung ïalehkai ba la tip kum ka 1st Knockout Futsal Tournament 2024 ba la pynlong da ka Leonel Futsal Arena, Pyndengrei kaba long shi bynta ban kynmaw burom ïa u (L) Leonel Marweiñ.
Kane ka nam jop jong ka Royal FT ka la wan hadien ba ka la lah ban pynliem noh ïa ka Nonglang Brothers lyngba ka tie-breaker da 4-2 kol hadien ka jingïakhaid da mar shi kol ha ka jingïakhun final kaba la long ha ka Sngi Ba-ar ha madan Leonel Futsal Arena, Pyndengrei.
Ha kane ka sngi u Bah Bokstone Kharlor, Rangbahbah dong Tiehrit jong ka Shnong Pyndengrei ha kajuh ka por kum u President ka Nongstoiñ District Sports Association u la long u kongsan ha ka jingdonlang kiwei kiwei ki ‘riew rangbah.
Kum ban shu kdew hangne, ha kane lympung ki la don haduh 32 tylli ki kynhun kiba la wan shim bynta bad ki khusnam ha kane ka lympung ka long da ka song pisa ha ryngkat ki trophy ïa kaba u kongsan bad ki ‘riew rangbah ki la sam sha katei ka lahduh bad ka kynhun ba wan ba-ar.
