Jowai, Risaw 10
Ka Chaphrang Ïong-I FC ka la ïoh jingjop ha ka lympung ïalehkai 8th Invitation Knockout Football Tournament ba la pynïaid da ka Wahïajer Sports Club, hadien ba ka la lah ban pynliem noh ïa ka Shiparalok FC da 4-1 kol ha madan Wahïajer Sports Complex ha ka Sngi Palei.
Ïa ki kol jong ka Chaphrang Iong-I la thep da u Wadshwa Lato ha ka minit kaba 4, Marius Muksor (19) bad u Minikos Ryngkhlem (57 & 71). Katba ïa ka shi kol na ka Shiparalok la thep da u Sumer Sohkhlet ha ka minit 31. Ïa ka nam Man of the match la ïohpdiang da u Wadshwa Lato.
Ka jingïalehkai ha ka 12 tarik kan long hapdeng ka Rymbai Skhensyriah pyrshah ïa ka Thadmusem SC ha ka por 2 baje janmiet.
